निर्वाचनको दिन माैसम सफा रहने

काठमाडौं । प्रतिनिधिसभा सदस्य निर्वाचनको दिन फागुन २१ गते देशभरको मौसम सफा रहने पूर्वानुमान छ ।  जल तथा मौसम विज्ञान विभागका अनुसार कोशी प्रदेशको हिमाली भूभागमा फाट्टफुट्ट वर्षा र हिमपातको सम्भावना छ । पहाडमा आंशिक बादल लाग्नेछ । तराईमा मौसम सफा हुनेछ ।

मधेस प्रदेशमा मौसम सफा हुनेछ । बागमती प्रदेशको हिमाली र पहाडी भूभागमा आंशिक बादल लाग्नेछ । तराईमा मुख्यतया मौसम सफा हुनेछ ।

गण्डकी प्रदेशको हिमाली र पहाडी क्षेत्रमा आंशिक बादल लाग्नेछ । तराईमा मौसम सफा हुनेछ ।  लुम्बिनी प्रदेशको मौसम मुख्यतया सफा रहने पूर्वानुमान छ ।  कर्णाली प्रदेशको मौसम पनि सफा रहने विभागले प्रस्ट पारेको छ ।

सुदूरपश्चिम प्रदेशको मौसम पनि मुख्यतया सफा रहने पूर्वानुमान रहेको निर्वाचन विशेष बुलेटिन जारी गर्दै विभागले बताएको छ ।