माेरङका प्रमुख जिल्ला अधिकारी भन्छन् : पेटिका सुरक्षाका लागि गोली चल्न सक्छ

विराटनगर । प्रतिनिधिसभा निर्वाचनमा मतपेटिका सुरक्षाका लागि सुरक्षा निकायले आवश्यकता परे गोली समेत चलाउन सक्ने मोरङका सुरक्षा प्रमुखले बताएका छन् ।

नेपाल पत्रकार महासंघ मोरङले आयोजना गरेको ‘निर्वाचन र आम सञ्चार’ विषयक अन्तर्क्रियामा प्रमुख जिल्ला अधिकारी युवराज कटेल र प्रहरी उपरीक्षक कवित कटवालले मतपेटिका सुरक्षाका लागि गोली समेत चलाउन सक्ने बताएका हुन् ।

प्रजिअ कटेलले निर्वाचन बिथोल्ने वा मतदान प्रक्रियामा अवरोध गर्ने जोसुकै विरुद्ध सुरक्षा प्रोटोकलअनुसार कडा कारबाही गरिने बताए ।

मोरङ प्रहरी प्रमुख कटवालले एकीकृत सुरक्षा योजना कार्यान्वयनमा आइसकेको र निर्वाचन बिथोल्न खोज्ने केही व्यक्तिलाई पक्राउ गरी निगरानी बढाइएको जानकारी दिए ।

मोरङमा ३०६ मतदान स्थल छन् । जसमध्य मध्ये ४७ वटालाई ‘अति संवेदनशील’छन् ।