रास्वपाकाे दुई स्थानकाे सभा स्थगित

काठमाडाैं । राष्ट्रिय स्वतन्त्र पार्टीले भैरहवा र पोखरामा गर्ने तय भएकाे सभा स्थगित भएको छ । रास्वपाले शनिबार भैरहवा र आइतबार पोखरामा सभाको आयोजना गरेको थियो ।

परिवर्तन उद्घोष सभा नाम दिइएको उक्त सभालाई सभापति रवि लामिछाने र वरिष्ठ नेता बालेन शाहले सम्बोधन गर्दै आएका छन् । भैरहवा र पोखराको सभा दुई कारणले स्थगित भएको रास्वपा सहप्रवक्ता प्रतिभा रावलले जानकारी दिइन् ।

उनका अनुसार नेताहरूको समयको व्यवस्थान गर्न नसकिएको र सचिवालय तहका नेताहरू बसेर आन्तरिक योजना, गृहकार्य बनाउनुपर्ने, पार्टीको रणनीति तर्जुमा गर्नुपर्ने भएकाले तत्कालका लागि ती पूर्वनिर्धारित ती सभा स्थगित गरिएको हो । परिवर्तन उद्घोष सभाको परिमार्जित तालिका भोलि सार्वजनिक गरिने पनि सहप्रवक्ता रावलले जानकारी दिइन् ।