एमाले नेता ढकाललाई पितृ शाेक

विराटनगर। नेकपा ( एमाले) का नेता तथा मोरङ क्षेत्र नम्बर ६ का प्रतिनिधिसभा सदस्य उम्मेदवार विनोद ढकाललाई पितृ शोक परेको छ । ढकालका १०१ वर्षीय बुवा विष्णुप्रसाद ढकालको बिहीबार बिहान विराटनगरस्थित आफ्नै निवासमा निधन भएको हो । ढकाल पूर्वशिक्षक हुन् ।

स्वर्गीय ढकालको अन्तिम संस्कार आजै दिउँसो ३ बजे विराटनगरको परोपकार घाटमा गरिने पारिवारिक स्रोतले जनाएको छ । उम्मेदवार ढकाललाई शोक परेको खबर पाएलगत्तै विभिन्न राजनीतिक दलका नेताहरू संवेदना प्रकट गर्न उनको निवास पुगेका छन् ।