माेरङकाे रंगेलीमा श्रीमतीको हत्या गरी युवकले गरे आत्महत्या

विराटनगर । मोरङको रंगेली नगरपालिका–५ मा एक युवकले श्रीमतीको हत्या गरी आत्महत्या गरेका छन् । रंगेली–५ बहुवनका २१ वर्षीय मुकेशकुमार मण्डलले ससुराली घरमा पुगेर २१ वर्षीया पत्नी अम्बिकाकुमारी मण्डलकाे हत्यापछि आत्महत्या गरेका हुन् ।

प्रहरीका अनुसार मंगलबार बिहान करिब २ः४५ बजे रंगेली–५ धनपट्टीस्थित ससुराली घरमा यो घटना भएको हो ।

मोरङ प्रहरीका डीएसपी लीलाराज लामिछानेका अनुसार मुकेशले अम्बिकाकुमारीमाथि चक्कु प्रहार गरेका थिए । चक्कु प्रहारबाट गम्भीर घाइते भएकी अम्बिकाको घटनास्थलमै मृत्यु भएको थियो । श्रीमतीको मृत्यु भएलगत्तै मुकेशले सोही चक्कुले आफ्नै घाँटी रेटेका थिए । उनको पनि घटनास्थलमै मृत्यु भएको प्रहरीले जनाएको छ ।