ज्योति आधारभूत विद्यालयलाई जीवन विकासकाे सहयाेग

विराटनगर । जीवन विकास लघुवित्त वित्तीय संस्थाले विराटनगर- ४ खार्जीमा रहेको ज्योति आधारभूत विद्यालयलाई शैक्षिक सामाग्री सहयोग गरेको छ ।

अति बिपन्न तथा सिमान्तकृत समुदायका बालबालिकाहरु अध्ययन गर्ने उक्त सामुदायिक विद्यालयको शैक्षिक गुणस्तर सुधार गर्न सघाउ पुर्याउने उद्देश्यले जीवन विकासले १ थान स्मार्ट टिभी र १०० थान कपि प्रदान गरेको हो ।

बिहीबार विद्यालयमा आयोजित कार्यक्रममा जीवन विकास लघुवित्तका नायब प्रमुख कार्यकारी अधिकृत दामोदर रेग्मी र संस्थागत तथा सामाजिक विकास विभाग प्रमुख बिनोदप्रसाद साहले ती सामाग्री हस्तान्तरण गरे । विपन्न वर्गका बालबालिकाले गुणस्तरीय शिक्षा पाउने वातावरण निर्माणका लागि सहयोग गरिएको संस्थाले जनाएको छ ।