पश्चिमतिर चुनावी प्रचारमा बालेन, झापा ५ मा पत्नी सविनाको घरदैलो

काठमाडाैं । राष्ट्रिय स्वतन्त्र पार्टी (रास्वपा)का वरिष्ठ नेता बालेन शाह आइतबार पश्चिम नेपालमा चुनावी अभियानमा लागेका छन् । उनकी पत्नी सविना काफ्लेले झापामा घरदैलो सुरु गरेकी छन् ।

रास्वपाले माघ ५ मा जनकपुरमा आयोजना गरेको आमसभालाई सम्बोधन गरेर बालेन झापा पुगेका थिए । उनले माघ ६ गते प्रतिनिधि सभा सदस्यका लागि झापा-५ बाट उम्मेदवारी दिएर पूर्वी पहाडी जिल्लाको यात्रा गरेका थिए । पूर्वी नेपालबाट फर्केपछि आइतबार काठमाडौँमा विभिन्न क्षेत्रका उम्मेदवारसँग छलफल गरेका बालेन सोमबार पश्चिमतिर लागेका हुन् ।

बालेन पश्चिमतिर लागेको वेला उनको क्षेत्रमा पत्नी सविनाले चुनावी प्रचारमा जुटेकी हुन् । आज बिहानैदेखि उनी घरदैलोमा सहभागी भइरहेको बालेनको सचिवालयले जनाएको छ ।