तीन प्रदेशमा जीवन विकासको खेलकुद

विराटनगर । जीवन विकास लघुवित्त वित्तीय संस्थाले तीन प्रदेशमा खेलकुद कार्यक्रम आयोजना गरेको छ । आफ्ना कर्मचारीहरूको मनोबल उच्च बनाउने र आन्तरिक सम्बन्ध सुदृढ गर्ने उद्देश्यले तीनवटा प्रदेशमा ‘प्रदेश स्तरीय खेलकुद कार्यक्रम’ आयोजना गरेको हो ।

शुक्रबार र शनिबार आयोजित प्रतियोगिता कोशी, मधेश र बागमती प्रदेशमा एकैसाथ सञ्चालन गरिएको थियो । प्रतियोगितामा प्रदेश मातहतका फिल्ड म्यानेजर, कार्यालय सहयोगी तथा रिसेप्सनिष्ट कर्मचारीहरूको उत्साहजनक सहभागिता थियो । सदस्यहरूको घरदैलोमा पुगेर वित्तीय सेवा प्रवाह गरिरहेको संस्थाले कर्मचारीका लागि दोस्रो पटक यस्तो प्रतियोगिता आयोजना गरेको हो ।

कोशी प्रदेश

कोशी प्रदेशमा आयोजित प्रतिस्पर्धामा विभिन्न विधामा तीव्र प्रतिस्पर्धा भएकाे थियाे ।

क्रिकेट: झापाको विर्तामोड क्लस्टर विजेता र सुनसरी क्लस्टर उपविजेता बने। सुनसरीका अजयकुमार राजवंशी ‘म्यान अफ द सिरिज’ घोषित भए ।

फुटबल: इलाम जिल्ला क्लस्टरले उपाधि जित्दा सुनसरी क्लस्टर उपविजेतामा सीमित भयो । इलामका अक्षयकुमार राई ‘बेस्ट प्लेयर’ चुनिए ।

कवड्डी (पुरुष): धनकुटा क्लस्टर विजेता र झापाको धरमपुर क्लस्टर उपविजेता बने। धनकुटाका शम्भु मण्डल ‘म्यान अफ द सिरिज’ भए ।

कवड्डी (महिला): मोरङको झोराहाट क्लस्टरले उपाधि चुम्यो भने रामचोक क्लस्टर उपविजेता बन्यो। झोराहाटका प्रीया झा ‘म्यान अफ द सिरिज’ भइन् ।

भलिबल: उदयपुर क्लस्टर विजेता र झोराहाट क्लस्टर उपविजेता बने। तेजराज क्यापछाकी मगर ‘म्यान अफ द सिरिज’ घोषित भए ।

मटका फोड: रामनारायण मण्डल, रानी मण्डल र जानुका बस्नेत विजयी भए ।

भ्यागुते दौड: बिरनारायण सरदार (प्रथम), देवरथकुमार सिंह (दोस्रो), राधेश्याम सिंह (तेस्रो) ।

सियो-धागो दौड : प्रदीप शाह (प्रथम), प्रियंका साह (दोस्रो), पंकजकुमार सिंह (तेस्रो) ।

चम्चा-गुच्चा दौड: गायत्री राजवंशी (प्रथम), शिवरात्री चौधरी (दोस्रो), आशिकुमार ठाकुर (तेस्रो)।

म्युजिकल चेयर: विमलकुमार सिंह (प्रथम), सुनिताकुमारी मण्डल (दोस्रो), नारायणप्रसाद सिंह (तेस्रो)।

मधेश प्रदेश

मधेश प्रदेशमा पनि विभिन्न खेलहरूमा कर्मचारीहरूले आफ्नो सीप प्रदर्शन गरे ।

क्रिकेट: धनुषा क्लस्टर विजेता र बारा क्लस्टर उपविजेता बन्याे । धनुषाका आशिष चौधरी ‘म्यान अफ द सिरिज’ भए ।

फुटबल: सिरहा क्लस्टर विजेता र राजविराज क्लस्टर उपविजेता बन्याे । सुरेन्द्रकुमार सदा ‘म्यान अफ द सिरिज’ घोषित भए ।

भलिबल: धनुषा क्लस्टर प्रथम भयाे ।

कवड्डी: महोत्तरी क्लस्टर विजयी भयाे ।

म्युजिकल चेयर: माधवी यादव (प्रथम), रेनुकुमारी मण्डल गनगाई (दोस्रो), सुनिता मेहता (तेस्रो)।

सियो-धागो दौड: रिका मण्डल (प्रथम), सन्दीप शाह (दोस्रो), मनिष सुतिहार (तेस्रो)।

चम्चा गुच्चा दौड: सुरज रम्तेल (प्रथम), राजेन्द्र ताजपुरिया (दोस्रो), पुजाकुमारी भगत (तेस्रो)।

बोरा दौड: मिथलेशकुमार यादव (प्रथम), पंकजकुमार सिंह (दोस्रो), दिनेशकुमार साह (तेस्रो)

बागमती प्रदेश

बागमती प्रदेशमा भएको प्रतिस्पर्धामा मकवानपुर र सिन्धुलीले मुख्य उपाधिहरू जितेका थिए ।

क्रिकेट: मकवानपुर क्लस्टर विजेता र काभ्रे क्लस्टर उपविजेता बन्याे । रोशनकुमार मण्डल ‘प्लेयर अफ द सिरिज’ भए ।

फुटबल: सिन्धुली क्लस्टर विजेता र काभ्रे क्लस्टर उपविजेता बन्याे । राजकुमार भुजेल ‘प्लेयर अफ द सिरिज’ घोषित ।

भलिबल: काभ्रे क्लस्टर विजेता। मनोज भुजेल ‘प्लेयर अफ द म्याच’ चुनिए ।

म्युजिकल चेयर: (महिला): अञ्जु रोक्का (प्रथम), टिकाकुमारी श्रेष्ठ (दोस्रो), पूर्णिमा परियार (तेस्रो)।

म्युजिकल चेयर(पुरुष): नोन ठकुरी (प्रथम), दीप राजवंशी (दोस्रो), मोतीबहादुर बिक (तेस्रो)।

चम्चा-गुच्चा दौड : अजयकुमार साह (प्रथम), पूर्णिमाजंग परियार (दोस्रो), अभिषेक साह (तेस्रो) ।

प्रतियोगिताका विजयी खेलाडीहरूलाई जीवन विकास लघुवित्तका सञ्चालक तथा व्यवस्थापन टोलीले मेडल र सिल्ड प्रदान गरेका थिए । संस्थाले गत वर्ष शाखा प्रमुखहरूबीच खेलकुद गराएको थियो भने यस वर्ष फिल्डमा खटिने कर्मचारीहरूलाई प्राथमिकता दिएको हो ।

कर्मचारीको क्षमता विकास गर्दै संस्थाको सेवालाई प्रभावकारी बनाउनका लागि प्रतियोगिता आयोजना गरिएको जीवन विकास लघुवित्त वित्तीय संस्थाका प्रमुख कार्यकारी अधिकृत संजकुमार मण्डलले जानकारी दिए । खेलकुद गतिविधिले कर्मचारीकाे शारीरिक र मानसिक स्वास्थ्यलाई पनि बलियाे बनाउने उनकाे भनाई छ ।

‘खेलकुद कार्यक्रमले हामीलाई एकखालको उर्जा दिएको छ, अब कार्यक्षेत्रमा गएर कर्मचारीले अझ उच्च मनोबलका साथ काम गर्नुहुनेछ,’ उनले भने,‘हामी सेवा प्रवाहसँगै कर्मचारीको क्षमता र व्यक्तित्व विकासमा पनि उत्तिकै सचेत छौँ ।’