कांग्रेसकाे वैधानिकता गगन थापालाई, पुरानाे समितिले बाेलायाे बैठक

काठमाडौं । निर्वाचन आयोगले नेपाली कांग्रेसको विशेष महाधिवेशन र सभापतिमा गगन थापालाई मान्यता दिएको छ । शुक्रबार बसेको आयोगको बैठकले विशेष महाधिवेशनलाई कानून र विधानसम्मत ठहर्याएको हो ।

अब उक्त महाविधेशनबाट चयन भएका पदाधिकारीहरुको विवरण अद्यावधिक गर्ने निर्णय भएको छ । उक्त निर्णयसँगै विशेष महाधिवेशनले गरेका सबै निर्णयहरुले मान्यता पाउने भएको छ ।

विशेष महाधिवेशनले मान्यता पाउन नसक्ने भनी शेरबहादुर देउवा समूहले गरेको दावी स्वतः अस्वीकृत भएको हो । अब प्रत्यक्ष मनोनयनदेखि अरु काम कारबाहीमा गगन–विश्व समूहको निर्णय र काम कारबाही आधिकारिक मानिनेछ ।

आयाेगकाे निर्णयपछि संस्थापन पक्ष भने रुष्ट बनेकाे छ । थप रणनीति तयार गर्न देउवा नेतृत्वकाे कांग्रेसले शनिबार केन्द्रीय समितिकाे बैठक बाेलाएकाे छ ।