भिजिट भिसामा विदेश जाने नेपालीको संख्या घट्याे

काठमाडौं । भिजिट (पर्यटक) भिसामा विदेश जाने नेपालीको संख्या घटेको छ । सन् २०२४ को तुलनामा वर्ष २०२५ मा भिजिट भिसामा विदेश जाने नेपालीको १५.६० प्रतिशतले संख्या घटेको हो ।

सन् २०२५ मा २ लाख ३१ हजार ६०९ जना नेपाली भिजिट भिसामा १५४ देश गएका थिए । ह मन्त्रालय अन्तर्गतको अध्यागमन विभागका निर्देशक टीकाराम ढकालका अनुसार सन् २०२५ मा १७ लाख १८ हजार ६८८ नेपाली विभिन्न उदेश्यले विदेश गएका थिए । तीमध्ये १३.४७ प्रतिशत भिजिट भिसामा विदेश गएका थिए ।

अध्यागमन विभागको तथ्याङ्कअनुसार सन् २०२४ मा विभिन्न उदेश्यले १६ लाख ७४ हजार २२५ जना नेपाली विदेश गएका थिए । तीमध्ये २ लाख ७४ हजार ४२८ जना भिजिट भिसामा गएका थिए ।

सन् २०२४ को तुलनामा वर्ष २०२५ मा भिजिट भिसामा विदेश जाने नेपालीको संख्या ४२ हजार ८१९ ले कम छ ।