नेपाली बजारमा सुनचाँदीकाे मूल्यमा नयाँ रेकर्ड

काठमाडौं । नेपाली बजारमा सुन र चाँदीको मूल्य हालसम्मकै उच्च विन्दुमा पुगेको छ ।

नेपाल सुनचाँदी व्यवसायी महासंघले सोमबारका लागि सुनको भाउ प्रतितोला २ लाख ७४ हजार ७ सय रुपैयाँ तय गरेको छ । यो मूल्य आइतबारकाे तुलनामा ४ हजार १ सय रुपैयाँ बढी हो । आइतबार प्रतितोला २ लाख ७० हजार ६ सय रुपैयाँमा सुनको कारोबार भएको थियो ।

नेपाली बजारमा चाँदीको भाउ पनि प्रतितोला ५ हजार १९५ रुपैयाँ पुगेको छ । आइतबारकाे तुलनामा चाँदी २०५ रुपैयाँ महँगिएको हो । आइतबार प्रतितोला ४ हजार ९९० रुपैयाँमा चाँदीको कारोबार भएको थियो ।
अन्तर्राष्ट्रिय बजारमा सोमबार कारोबारका क्रममा सुनको भाउ प्रतिऔंस ४ हजार ५५० अमेरिकी डलर नाघेको छ । त्यस्तै चाँदी प्रतिऔंस ८३ डलर नाघेको छ ।