एमालेले तोक्यो सातै प्रदेशको संयोजक

काठमाडौं । नेकपा (एमाले)ले सातै प्रदेशका लागि प्रदेश तथा निर्वाचन संयोजकको जिम्मेवारी तोकेको छ । पार्टीको सचिवालय बैठकले नेताहरूको कार्यविभाजन गर्दै प्रदेश र निर्वाचनको कमान्ड सम्हाल्ने गरी नयाँ जिम्मेवारी सुम्पेको हो।

जसअनुसार कोशी प्रदेशको संयोजकमा शेरधन राई र मधेश प्रदेशको संयोजकमा लीलानाथ श्रेष्ठलाई जिम्मेवारी दिइएको छ।

बागमती प्रदेशको संयोजकमा महेश बस्नेत चयन भएका छन् भने राजधानी (काठमाडौँ) को संयोजन गर्ने जिम्मेवारी डा. राजन भट्टराईलाई दिइएको छ। गण्डकी प्रदेशमा खगराज अधिकारी, कर्णाली प्रदेशमा यामलाल कँडेल र सुदूरपश्चिम प्रदेशमा गणेश ठगुन्नाले संयोजकको भूमिका निभाउनेछन्।

बैठकले पार्टीको सांगठनिक सुदृढीकरणका लागि महत्त्वपूर्ण मानिने संगठन विभागको जिम्मेवारी नेता भानुभक्त ढकाललाई दिने निर्णय पनि गरेको छ ।