माेरङमा एमालेबाट ४३ जनाकाे नाम सिफारिस

विराटनगर । नेकपा (एमाले) मोरङका ६ वटै निर्वाचन क्षेत्रीय कमिटीले फागुन २१ को निर्वाचनका लागि ४३ जना सम्भावित उम्मेदवारको नाम सिफारिस गरेका छन्। आइतबार सम्पन्न बैठकहरूमा कुनै पनि क्षेत्रबाट एकल नाम सर्वसम्मत हुन नसकेपछि ३ देखि १६ जनासम्मको सूची जिल्ला कमिटीमा पठाइएको हो।

यस पटकको सिफारिसमा नेता विनोद ढकालको नाम क्षेत्र नम्बर १, ४ र ६ गरी तीनवटा क्षेत्रबाट समावेश गरिएको छ। क्षेत्र नम्बर १ बाट घनश्याम खतिवडा र विनोद ढकालसहित ६ जना, क्षेत्र नम्बर २ बाट ऋषिकेश पोखरेल र दिलीप अग्रवालसहित ३ जना र क्षेत्र नम्बर ३ बाट भानुभक्त ढकाल र केदारप्रसाद गुरागाईँसहित १६ जनाको नाम सिफारिस भएको छ।

त्यस्तै, क्षेत्र नम्बर ४ बाट जीवन घिमिरे र विनोद ढकालसहित ९ जना, क्षेत्र नम्बर ५ बाट उद्धव पोखरेलसहित ६ जना र क्षेत्र नम्बर ६ बाट लालबाबु पण्डित, विनोद ढकाल र पर्शुराम बस्नेतसहित ७ जनाको नाम पठाइएको छ।

क्षेत्रीय कमिटीले सिफारिस गरेका यी नामहरू जिल्ला र प्रदेश कमिटी हुँदै अन्तिम निर्णयका लागि केन्द्रमा पठाइने एमाले मोरङले जनाएको छ।