मदिरामा लिप्त थिए ज्वाइँ, छाेड्न आग्रह गर्दा सासूकाे हत्या

विराटनगर । इटहरीमा छोरी–ज्वाइँको घर पुगेकी महिलाकाे हत्या भएको छ । उपचारका लागि भोजपुरबाट इटहरी आएकी ५६ वर्षीय पबीमाया बयलकोटीलाई उनकै ज्वाइँ ४० वर्षीय गणेश साह गुप्ताले टाउकोमा हिर्काएर हत्या गरेका हुन् ।

जिल्ला प्रहरी कार्यालय सुनसरीका डिएसपी चन्द्र खड्काका अनुसार उपचारका लागि इटहरी आएकी बयलकाेटी सोमबार घर फर्कने तयारीमा थिइन् । उनी आइतबार साँझ ज्वाइँको डेरामा पुगेकी थिइन् । उनी पुग्दा ज्वाइँ मदिराकाे नसामा थिए । मदिराकै कारण छाेरी ज्वाइँबीच झगडा भइरहन्थ्याे, आइतबार पनि विवाद भयाे । सवारी चालक ज्वाइँले मदिरा सेवन गरेकाे देखेपछि उनले ज्वाइँलाई रक्सी नखान भन्दै सम्झाएकी थिइन् । सासुले सम्झाउँदा सुनिरहेका उनले ट्युबलेको हेण्डलले ल्याएर टाउकाेमा प्रहार गरेका थिए । सासूमाथि आक्रमण गरी उनी भागे । प्रहरीले भाग्दै गर्दा इटहरीबाटै पक्राउ गरेकाे खड्काले बताए ।

श्रीमानसहित उपचाकालागि इटहरी आएकी बयलकोटी इटहरी जनता बस्तीमा घर भएकी छोरीको घरमा केही दिन बसेकी थिइन् । सोमबार घर फर्किने तयारी भएपछि उनी विपी चाेकमा बस्ने छाेरीकाे डेरामा पुगेकी थिइन् । दुई सन्तानका बुबा ज्वाइँलाई सम्झाउन खाेज्दा ट्युबलेको हेण्डलले प्रहार गरी हत्या गरेकाे देखिएकाे खड्काले बताए ।