नेपाली सेनाका पूर्वरथी मन्त्री बन्दै

काठमाडौं । नेपाली सेनाका पूर्वरथी बालानन्द शर्मा पनि मन्त्री बन्ने भएका छन् । उनले आजै शपथ ग्रहण गर्ने तयारी छ ।

शर्माले पाउने मन्त्रालय भने टुंगो लागेको छैन । स्राेतका अनुसार उनलाई रक्षा वा परराष्ट्र मन्त्रालयको जिम्मेवारी दिने सम्भावना छ । यी दुवै मन्त्रालय हाल प्रधानमन्त्री सुशीला कार्की आफैंले सम्हाल्दै आएकी छन् ।

पूर्वरथी शर्मा सेना समायोजन विशेष समिति सचिवालयको संयोजक समेत बनेका थिए । नेपाली सेनामा माओवादी लडाकुहरुको समायोजनको डिजाइनर उनी हुन् ।

प्रधानमन्त्री नेतृत्वको सेना समायोजन विशेष समितिको सचिवालय संयोजकको सफल नेतृत्व गरेका उनलाई तत्कालीन केपी शर्मा ओली नेतृत्वको सरकारले कोभिड–१९ निर्देशक समितिअन्तर्गत कोभिड–१९ संकट व्यवस्थापन केन्द्र (सीसीएमसी)को प्रमुखको जिम्मेवारी समेत दिएको थियो ।