पश्चिमी वायुका कारण चिसाे बढ्याे

काठमाडौं । तापक्रम घट्दै जाँदा चिसो बढेकाे छ । अबका केही दिन चिसो थप बढ्ने जल तथा मौसम विज्ञान विभागले जनाएको छ ।

मौसमविद् सरोज पुडासैनीका अनुसार पश्चिमी वायुका कारण केही दिन चिसो थप बढ्ने भएको हाे । पश्चिमदेखि पूर्वी तराईसम्म चिसो बढ्ने भएकाले थप सतर्क हुनुपर्ने उनकाे भनाइ छ ।

पश्चिमी वायुसँगै आएको जलवाष्पयुक्त हावाका कारण चिसो बढेकाे हाे । बिहान बाक्लो हुस्सु तथा कुहिरो लाग्ने र अबेरसम्म घाम नलाग्दा चिसो हुने उनको भनाइ छ ।

आज तराईका अधिकांश स्थानमा हुस्सु र कुहिरो लागेको छ । कतिपय ठाउँमा मध्याह्न १२/१ बजेसम्म घाम नलाग्न सक्छ ।

बिहान पौने ६ बजे झापाको चन्द्रगढीमा भिजिविलिटी १०० मिटर छ । विराटनगरमा ८०० मिटर भिजिविलिटी छ । भैरहवा र जनकपुरसमा समान हजार मिटर भिजिविलिटी छ ।

दिपायलमा ८००, धनगढीमा १२००, वीरेन्द्रनगर र घोराहीमा समान २०० तथा नेपालगञ्जमा ८०० मिटर भिजिविलिटी रहेको छ ।