झापामा माेटरसाइकल दुर्घटना हुँदा दुई जनाकाे मृत्यु

विराटनगर । पूर्व-पश्चिम राजमार्ग अन्तर्गत झापाको बिर्तामोड नगरपालिका– ६ गिरीबन्धु टि–स्टेट नजिक मोटरसाइकल दुर्घटना हुँदा दुई जनाको मृत्यु भएको छ ।

प्रहरीका अनुसार शनिबार साँझ चारआलीबाट बिर्तामोडतर्फ आउँदै गरेको मे ५ प ६२२२ नम्बरको मोटरसाइकल साँझ ५स्३० बजे आफैं अनियन्त्रित भई दुर्घटना भएको थियो ।

दुर्घटनामा झापा भद्रपुर नगरपालिका– ९ का २५ वर्षीय भुपाल अधिकारी र भद्रपुर– ७ का २५ वर्षीय शीर्षक सुवेदीको मृत्यु भएको हो । दुर्घटनामा गम्भीर घाइते उनीहरूलाई तत्काल उपचारका लागि बिर्तामोडस्थित बीएण्डसी अस्पताल लगिएको थियो । अस्पताल पुर्‍याए लगत्तै चिकित्सकले मृत घोषणा गरेको प्रहरीले जनाएको छ । घटनाका सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।