एमाले महाधिवेशन : दाजु केन्द्रीय सदस्य, भाई सचिवमा निर्वाचित

विराटनगर । नेकपा एमालेको ११ औँ महाधिवेशनमा दाजुभाई नै निर्वाचित भएका छन् । कोशी प्रदेशका मुख्यमन्त्री हिक्मतकुमार कार्की सचिवमा निर्वाचित भए । उनका दाजु दिपक कार्की केन्द्रीय सदस्य निर्वाचित भए ।

मुख्यमन्त्री कार्कीले १ हजार ३ सय ३७ मत ल्याएर सचिवमा विजयी हुँदा उनका दाई दिपक कार्कीले खुला केन्द्रीय सदस्यमा १ हजार ११६ मत ल्याएर विजयी भएका छन् । कार्की दाजु भाइ नै ओलीको प्यानलमा थिए ।

कोशी प्रदेशबाट केन्द्रीय पदाधिकारीमा ५ जना विजयी भएका छन् । जसमा अध्यक्ष केपी शर्मा ओली, सचिवमा योगेश भट्टराई, भानुभक्त ढकाल, शेरधन राई र हिक्मतकुमार कार्की निर्वाचित भएका हुन् ।