एमाले महाधिवेशन : मतदान अन्तिम चरणमा

काठमाडौं । नेकपा (एमाले)को महाधिवेशनमा बुधबार बिहानबाट सुरु मतदान प्रक्रिया अन्तिम चरणमा पुगेको छ । बुधबार बिहान ९ः१५ बाट सुरु भएको मतदान अन्तिम चरणमा पुगेको हो । आज बिहान मतदान सकिनेछ ।

“८० जना भोटिङ मेसिनमा हुनुहन्छ । केही होल्डिङ एरियामा हुनुहुन्छ,” एमाले निर्वाचन आयोगका सचिव डा. कुन्साङ लामाले भने, “अब हामी मतदान प्रक्रियाको अन्तिम–अन्तिम चरणमा प्रवेश गरिसकेका छौँ ।”

महाधिवेशनमा दुई हजार २६३ प्रतिनिधिले मतदान गर्दै छन् । यसमध्ये करिब ३६ जना अनुपस्थित हुनेजस्तो देखिएको आयोगले जानकारी दिएको छ । इलेक्ट्रिक मतदान भएकाले भोटिङमा समय लागे पनि मतगणना भने चाँडै हुनेछ ।

नयाँ नेतृत्वका लागि केपी शर्मा ओली र ईश्वर पोखरेलले प्यानल बनाएर प्रतिस्पर्धा गरेका छन् ।