चाँदीकाे मूल्यमा नयाँ रेकर्ड

काठमाडौं । नेपाली बजारमा बुधबार चाँदीको भाउमा नयाँ रेकर्ड कायम भएको छ । नेपाल सुनचाँदी व्यवसायी महासंघले आजका लागि चाँदीको भाउ प्रतितोला ४ हजार ५५ रुपैयाँ तोकेको छ । पहिलो पटक चाँदीको भाउ प्रतितोला ४ हजार नाघेको हाे । आज एकै दिन चाँदीको भाउ तोलामा १७० रुपैयाँ बढेको थियाे ।

मंगलबार ३ हजार ८८५ रुपैयाँमा चाँदीको कारोबार भएको थियो ।

आज सुनको मूल्य तोलामा ७ सय रुपैयाँ बढेको छ । अघिल्लो दिन प्रतितोला २ लाख ५९ हजार रुपैयाँमा कारोबार भएको सुन आज २ लाख ५९ हजार ७ सय रुपैयाँ कायम भएको छ । सोमबार सुनको भाउ हालसम्मकै उच्च २ लाख ६० हजार ७ सय रुपैयाँ पुगेको थियो ।