एमालेकाे नयाँ नेतृत्वका लागि आज मतदान

काठमाडाैं । नेकपा एमालेको ११औं महाधिवेशनमा नयाँ नेतृत्व चयनका लागि आज मतदान हुँदैछ । मंगलबार नै मतदान गर्ने तयारी  थियाे । तर,  प्राविधिक कारणले बुधबार बिहानका लागि मतदान सरेको थियो ।

बुधबार बिहान ८ बजेदेखि भृकुटीमण्डपमा एमालेका महाधिवेशन प्रतिनिधिहरूले नयाँ नेतृत्व छान्न मतदान गर्नेछन् ।

एमाले अध्यक्षका निम्ति केपी शर्मा ओली र ईश्वर पोखरेल प्रतिस्पर्धामा छन् । महाधिवेशनमा १९ पदाधिकारीका निम्ति ४२ जना प्रतिस्पर्धामा छन् । एमालेको जारी महाधिवेशनका लागि २ हजार २६२ जना प्रतिनिधि चुनिएर आएका छन् ।

एमालेले आफ्नो महाधिवेशनमा रामलक्ष्मण इनोभेसन प्रालिले बनाएको विद्युतीय भोटिङ मेसिन्  प्रयोग गरेकाे छ ।