एमाले महाधिवेशन : नयाँ नेतृत्वका लागि भाेलि बिहानबाट मतदान

काठमाडौं । नेकपा (एमाले)को ११औँ महाधिवेशनमा नयाँ नेतृत्वका लागि निर्वाचन प्रक्रिया बुधबार बिहान ८ बजेसम्मका लागि स्थगित भएको छ ।

नेतृत्व चयनका लागि आज साँझ ७ बजेदेखि मतदान हुने निर्वाचन कार्यतालिका थियो । तर, प्राविधिक तयारी नपुगेको भन्दै भाेलि बिहान ८ बजेसम्मका लागि स्थगित गरिएको हाे ।

एमालेको निर्वाचन आयोगले मतदानका लागि प्रतिनिधिलाई भोलि बिहान भृकुटीमण्डपमा उपस्थिति हुन भनेको छ ।

नयाँ नेतृत्वका लागि विद्युतीय भोटिङ मेसिनबाट मतदान गरिँदै छ । रामलक्ष्मण भोटिङ मेसिनबाट मतदान गरिने आयोगले जनाएको छ ।

एमाले अध्यक्षका निम्ति केपी शर्मा ओली र ईश्वर पोखरेल प्रतिस्पर्धामा छन् ।

महाधिवेशनमा १९ पदाधिकारीका निम्ति ४२ जना प्रतिस्पर्धामा छन् । अध्यक्ष पदमा केपी शर्मा ओली र ईश्वर पोखरेलबीच प्रतिस्पर्धा हुँदै छ ।