एमाले महाधिवेशन : अध्यक्षमा ओली र पोखरेल भिड्ने, महासचिवमा पोखरेल र पाण्डे

काठमाडौं । नेकपा एमालेको एघारौं महाधिवेशनमा केपी शर्मा ओली र इश्वर पोखरेल समूहले प्यानल बनाएका छन् ।

अध्यक्षमा ओली र पोखरेल भिड्नेछन् । ओली पक्षाबाट महासचिवमा शंकर पोखरेल नै उम्मेदवार छन् । पोखरेल समूहबाट सुरेन्द्र पाण्डले महासचिवको उम्मेदवार छन् ।

ओलीको समूहबाट उपाध्यक्षहरुमा विष्णु पौडेल, रामबहादुर थापा बादल, गुरु बराल, पृथ्वीसुब्बा गुरुङको नाम टुंगो लागेको छ । प्रदीप ज्ञवाली पनि उपाध्यक्षको उम्मेदवार छन् ।

उपमहासचिवमा विष्णु रिमाल, भानुभक्त ढकाल र रघुबिर महासेठको नाम अघि सारिएको छ ।

९ सचिवमा शेरधन राई, हिक्मत कार्की, राजन भट्टराई, महेश बस्नेत, खगराज अधिकारी, पद्मा अर्याल, छविलाल विश्वकर्मा, यामलाल कँडेल र लेखराज भट्टको नाम टुंगो लागेको छ ।

ईश्वर पोखरेल पक्षबाट उपाध्यक्षमा गोकर्ण विष्ट, परशुराममेघी गुरुङ, विन्दा पाण्डे र अरुण नेपाल उम्मेदवार बन्ने भएका छन् । उपमहासचिवमा योगेश भट्टराई र बैजनाथ चौधरी उम्मेदवार छन् ।

सचिव पदमा रचना खड्का, विनोद ढकाल, कर्ण थापा, ठाकुर गैरे, इन्द्रलाल सापकोटा, पुरुषोत्तम पौडेल, कृष्णगोपाल श्रेष्ठ र गोकुल बास्कोटाको नाम छ ।