जीवन विकास लघुवित्तले १४ प्रतिशत बोनस वितरण गर्ने

विराटनगर । जीवन विकास लघुवित्त वित्तीय संस्थाले १४ प्रतिशत बोनस वितरण गर्ने भएकाे छ ।  माेरङकाे कटहरी गाउँपालिका – २ मा केन्द्रीय कार्यालय रहेकाे जीवन विकासले गत आर्थिक वर्षको मुनाफाबाट शेयरधनीलाई १४ प्रतिशत बोनस सेयर वितरण गर्ने भएकाे हाे ।

मंसिर २६ गते बसेको लघुवित्तको सञ्चालक समिति बैठकले हाल कायम चुक्ता पूँजीकाे १४.७३६८ प्रतिशत लाभांश वितरण गर्ने निर्णय गरेकाे हाे । संस्थाले १४ प्रतिशत बोनस शेयर र कर प्रयोजनका लागि ०.७३६८ प्रतिशत नगद लाभांश वितरण गर्नेछ । कर प्रयोजनका लागि प्रस्तावित लाभांश १ करोड १३ लाख १९ हजार १६१ रुपैयाँ छ ।

नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो दरमा लाभांश वितरण गर्नेछ ।

काेशी, मधेश र बागमती प्रदेशमा साढे तीन लाख सदस्यकाे घरदैलाेमा पुगेर वित्तीय सेवा प्रवाह गरिरहेकाे जीवन विकासको चुक्ता पूँजी १ अर्ब ५३ करोड ६१ लाख ७१ हजार ५४६ रुपैयाँ छ । १४ प्रतिशतका दरले हुने २१ करोड ५० लाख ६४ हजार ५४ रुपैयाँ बराबरको बोनस सेयर वितरणपश्चात् संस्थाको चुक्ता पूँजी १ अर्ब ७५ करोड १२ लाख ३५ हजार ६०० रुपैयाँ पुग्नेछ ।

जीवन विकासले आर्थिक वर्ष २०७९/०८० र २०८०/०८१ को मुनाफाबाटसमेत सेयरधनीलाई १४ प्रतिशत बोनस सेयर वितरण गरेको थियो ।