एमाले विधान महाधिवेशनकाे निर्णय विपरित बढाइयाे पदाधिकारी संख्या

काठमाडौं । अधिकांश प्रतिनिधिकाे विरोधका बीच नेकपा एमालेले  विधान महाधिवेशनको निर्णय उल्ट्याएको छ । गत भदाै तेस्राे साता भएकाे विधान महाधिवेशनले पदाधिकारीको संख्या घटाएकाे थियाे । आइतबार बसेकाे केन्द्रीय समिति बैठकले पदाधिकारी र स्थायी कमिटीको संख्या पुरानै कायम गरिएको हाे ।

अध्यक्ष केपी शर्मा ओलीले पदाधिकारी बढाउनुपर्ने दबाब रहेको भन्दै केन्द्रीय कमिटीको आकार बनाउने प्रस्ताव राखेका थिए । सोही अनुसार अध्यक्ष १, उपाध्यक्ष ५, महासचिव १, उपमहासचिव ३ र सचिव ९ जना बनाइएको छ । ४५ सदस्यीय स्थायी कमिटी र ९९ सदस्यीय पोलिटव्युरो बनाइएको छ । अब केन्द्रीय कमिटी ३०१ सदस्यीय बनेको छ ।

नेकपा एमालेको केन्द्रीय कमिटी पहिले ३०१ सदस्यीय नै थियो । तर, गत भदौमा भएको विधान महाधिवेशनबाट २५१ सदस्यीय बनाइएको थियो । विधान महाधिवेशनबाट टुंगो लगाइसकेको विषयलाई अहिले फेरि संशोधन गर्न खोजिएको भन्दै इश्वर पाेखरेल पक्षले विरोध जनाएकाे थियाे ।

बरिष्ठ उपाध्यक्ष ईश्वर पोखरेलले बदलिएको परिस्थितिले अंक बढाउ नभनेको बताए । उनले संख्या बढाउँदैमा एमालेको क्षमता बढ्ने के ग्यारेन्टी छ भनेर प्रश्न समेत गरे । ‘बदलिएको परिस्थितिले अंक बढाउन भनेको होइन । बदलिएको परिस्थितिले त हामीसाई बदलिउ भनेर जबरजस्त सन्देश दिएको छ । के संख्या बढाएर क्षमता बढ्छ भने अस्तिको हाम्रो क्षमता जचिएन ?’