सुनकाे भाउ हालसम्मकै उच्च, चाँदीकाे घट्याे

काठमाडौं । नेपाली बजारमा सुनको भाउ हालसम्मकै उच्च भएको छ । आइतबार सुनको मूल्यले २ महिनाअघिको रेकर्ड ताेड्दै उच्च मूल्यमा काराेबार भएकाे हाे ।

नेपाल सुनचाँदी व्यवसायी महासंघका अनुसार आइतबार सुनको भाउ प्रतितोला २ लाख ५८ हजार ८ सय रुपैयाँ  छ । यसअघि असोज ३१ गते सुनको भाउले २ लाख ५८ हजार रुपैयाँको रेकर्ड बनाएको थियो ।

शुक्रबारकाे  तुलनामा आज सुनको भाउ २ हजार २ सय रुपैयाँ बढेको हो । शुक्रबार २ लाख ५६ हजार ६ सय रुपैयाँमा सुनको कारोबार भएको थियो ।

अमेरिकी डलरको मूल्यवृद्धिले पनि मूल्य  बढेकाे महासंघले जनाएको छ ।

चाँदीको भाउ भने रेकर्ड मूल्यबाट घटेको छ ।  शुक्रबार दिन हालसम्मकै उच्च प्रतितोला ३ हजार ९०५ रुपैयाँको उच्चतम रेकर्ड बनाएको चाँदी आज ८० रुपैयाँ घटेको छ । आज प्रतितोला ३ हजार ८२५ रुपैयाँ मूल्य तय भएको छ ।