काेइराला निवास : आगजनीबाट जाेगिएकाे संरचनामा रंगराेगन

विराटनगर । जेनजी आन्दाेलनका क्रममा गत भदौ २४ गतेको अराजक समूहले आगजनी गर्दा क्षतिग्रस्त ऐतिहासिक कोइराला निवासको पक्की खण्ड डा. शेखर कोइरालाले मर्मत गरेका छन् । मर्मत सम्भारपछि डा. कोइराला सोही निवासमा बस्न थालेका छन् ।

अराजक समूहले आगजनी गर्दा कृष्णप्रसाद कोइरालाले बनाएको १२० वर्षभन्दा पुरानो काठको संरचना पूर्ण रूपमा ध्वस्त भएको थियो । उक्त ऐतिहासिक संरचनालाई पुरानै शैलीमा पुनर्निर्माण गर्न इन्जिनियरले नक्सा तयार गरिसकेको कांग्रेस विराटनगर महानगर सभापति दीपक चापागाईंले जानकारी दिए ।

राणाविरोधी आन्दोलनदेखि विभिन्न जनआन्दोलनको साक्षी रहेको यो घर राजनीतिक चेतनाको धरोहर मानिन्छ । कोइराला परिवारको अंशबण्डामा यो ऐतिहासिक घर डा. शेखर कोइरालाको भागमा परेको थियो । डाक्टर काेइरालाले याे घर रेखदेख गर्दै आएका छन् ।