जेनजी आन्दोलनमा साढे ८४ अर्बकाे क्षति

काठमाडौं । गत भदौ २३ र २४ गते भएको जेनजी आन्दोलनमा सरकारी र निजी क्षेत्रमा ८४ अर्ब ४५ करोड रुपैयाँ बराबर क्षति भएको छ ।

राष्ट्रिय योजना आयोगले बिहीबारको मन्त्रिपरिषद् बैठकमा जेनजी आन्दोलनको क्षति विवरण प्रस्तुत गरेको थियो । जसमा सरकारी–सार्वजनिक क्षेत्रमा ४४ अर्ब ९३ करोड ७३ लाख बराबर क्षति भएको उल्लेख छ ।

निजी क्षेत्रतर्फ ३३ अर्ब ५४ करोड ८७ लाख बराबर क्षति भएको सरकारको अध्ययनको निष्कर्ष छ ।

बिहीबारको मन्त्रिपरिषद् बैठकमा आयोगका सचिव रविलाल पन्थले यस्तो विवरण प्रस्तुत गरेका हुन् । सरकारले आयोगको संयोजकत्वमा एक समिति बनाएर अध्ययन र पुनर्निर्माण योजनामा काम गरेको थियो ।