मधेश केन्द्रित तीन दलबीच एकताकाे सहमति

काठमाडौं । मधेश केन्द्रित तीन दलबीच एकता हुने भएकाे छ ।

महन्थ ठाकुर नेतृत्वको लोकतान्त्रिक समाजवादी पार्टी नेपाल, हृदयेश त्रिपाठीको जनता प्रगतिशील पार्टी र वृषेशचन्द्र लालको तराई–मधेस लोकतान्त्रिक पार्टी (तमलोपा)बीच एकता हुने भएकाे हाे ।

संयुक्त विज्ञप्ति जारी गर्दै तीन पार्टी एकीकृत हुने जनाइएकाे छ ।

“वास्तविक राष्ट्रिय एकताको मजबुती र संवर्द्धनको एकमात्र बाटो समान नागरिक अधिकार, राज्यका हरेक अंगमा समानुपातिक समावेशिता र विविधताको सम्मानको सुनिश्चितता नै भएको तथा सो दिशामा आगाडि बढन संघीय लोकतान्त्रिक गणतन्त्रप्रति प्रतिबद्ध सिमान्तिकरणमा पारिएकाहरूको बृहत् राजनीतिक शक्तिको निर्माण र एकता आवश्यक भएको मनन गर्दै लोकतान्त्रिक समाजवादी पार्टी नेपाल, जनता प्रगतिशील पार्टी र तराई–मधेश लोकतान्त्रिक पार्टी एकजुट भई एकीकृत हुने निर्णय गरेका छौँ,” विज्ञप्तिमा भनिएको छ ।