पोखरा अन्तर्राष्ट्रिय विमानस्थल निर्माणमा भ्रष्टाचार

काठमाडौं । पोखरा अन्तर्राष्ट्रिय विमानस्थल निर्माणमा भ्रष्टाचार भएको दाबी गर्दै अख्तीयार दुरुपयाेग अनुसन्धान आयाेगले मुद्दा चलाउने भएकाे छ ।  ८ अर्ब ३६ करोड बिगो मागदाबीसहित पाँच मन्त्री सहित ५६ जनाविरुद्ध मुद्दा दर्ताको तयारी गरेकाे हाे ।

अख्तियारले तत्कालीन मन्त्रीहरू भीम आचार्य, रामकुमार श्रेष्ठ, दिपक अमात्य, रामशरण महत र पोष्टबहादुर बोगटीलाई विपक्षी बनाएकाे छ । तत्कालिन सचिवहरू मधु मरासिनी, सुशील घिमिरे, सुरेशमान श्रेष्ठ, सुमनप्रसाद शर्मा, भेषराज शर्मालाई प्रतिवादी बनाएको छ । अख्तियार स्रोतका अनुसार ५६ जनालाई प्रतिवादी बनाएर अख्तियारले विशेष अदालतमा मुद्दा दायरको क्रममा छ ।