अंशु गाैतमकाे हत्या अनुसन्धानका लागि छिमेकी पक्राउ

विराटनगर । मोरङको लेटाङ नगरपालिका–२ स्कुलचोककी १३ वर्षीया अंशु गौतमको हत्या अनुसन्धानका लागि माेरङ प्रहरीले छिमेकीलाई नै पक्राउ गरेकाे छ ।

असोज २१ गते दिउँसो घरबाट निस्किएकी गाैतमकाे कात्तिक ७ गते बेलबारी–चिसाङ साझेदारी वनभित्र शरिर क्षतविक्षत अवस्थामा फेला परेकाे थियाे ।

दुई महिना लामाे अनुसन्धानपछि प्रहरीले छिमेकी अन्दाजी ५० वर्षीय पदम अधिकारीलाई नियन्त्रणमा लिएकाे हाे । यद्यपि, प्रहरी अधिकारीहरुले आधिकारिक पुष्टि गरिसकेका छैनन् । माेरङ प्रहरी प्रमुख कबित कटवालले हत्या अनुसन्धान लगभग अन्तिम चरणमा पुगकाे बताए ।

प्रहरी स्रोतका अनुसार पदमले अंशुको हत्या गरेको स्वीकार गरिसकेका छन् । घरबाट हराएकै दिन अंशुको हत्या भएको देखिएकाे प्रहरीले बताएकाे छ । हत्याकाे कारण भने प्रहरीले बताएकाे छैन ।

पारिवारिक रिसिबिइ नै मुख्य कारण देखिएकाे प्रहरीले जनाएकाे छ । घटनाको अनुसन्धानमा जिल्ला प्रहरी कार्यालय मोरङ, कोशी प्रदेश प्रहरी कार्यालय विराटनगरसहित केन्द्रीय अनुसन्धान ब्युरो (सीआईबी)को टोलीसमेत खटिएको थियो ।