प्रहरीले नष्ट गर्याे ५५ सय किलो गाँजा

विराटनगर । जिल्ला प्रहरी कार्यालय मोरङले ५ हजार ५ सय केजीभन्दा बढी गाँजा नष्ट गरेको छ ।

विभिन्न मितिमा बरामद  गरेकाे पाँच हजार ५ सय २७ किलो गाँजा शुक्रबार प्रहरी कार्यालयको हाताभित्रै नष्ट गरेको हो ।

बरामद गरिएको गाँजा खाल्डो खनेर नष्ट गरेको मोरङ प्रहरी प्रमुख एसपी कवित कटवालले जानकारी दिए । उनका अनुसार जलाउँदा वातावरणमा असर गर्ने भएकाले खाल्डो खनेर गाडिएको हो ।

कोशी प्रदेशको पहाडी क्षेत्र धनकुटा, भोजपुरमा व्यसायिक रुपमा गाँजा खेती हुन्छ । पहाडी जिल्लामा उत्पादित गाँजा चोरबाटो हुँदै भारतीय बजारसम्म पुग्छ । प्रहरीले नष्ट गरेकाे गाँजा जिल्लाकाे विभिन्न स्थान बरामद गरिएकाे थियाे ।