चाँदीको मूल्यमा नयाँ रेकर्ड, सुनको घट्यो

काठमाडौं । नेपाली बजारमा चाँदीको मूल्यले नयाँ रेकर्ड बनाएको छ । तीन दिनयता चाँदीको मूल्यले दैनिक नयाँ रेकर्ड बनाएको हो ।

मंगलबार चाँदी प्रतितोला १० रुपैयाँ बढेको छ । नेपाल सुनचाँदी व्यवसायी महासंघले आज चाँदी प्रतितोला ३,५४५ रुपैयाँमा कारोबार भइरहेको छ ।

अघिल्लो दिन ३,५३५ रुपैयाँमा कारोबार भएको थियो । आइतबार ३,४९० रुपैयाँमा कारोबार भएको थियो ।

सुनको भाउ सामान्य घटेको छ । अघिल्लो दिनको तुलनामा तोलामा ३०० रुपैयाँ मूल्य घटेको हो । आज प्रतितोला २ लाख ५३ हजार ३ सय रुपैयाँ तोकिएको छ ।
सोमबार २ लाख ५३ हजार ६ सय रुपैयाँमा सुनको कारोबार भएको थियो ।