लघुवित्तले प्रवाह गर्ने ऋणकाे अधिकतम सीमा बढ्याे

काठमाडौं । लघुवित्त वित्तीय संस्थाहरुले धितोमा प्रवाह गर्ने कर्जाको अधिकतम सीमा बढेकाे छ ।

नेपाल राष्ट्र बैंकले मौद्रिक नीतिको पहिलो त्रैमासिक समीक्षा  मार्फत लघुवित्त वित्तीय संस्थाले धितोमा प्रवाह गर्न पाउने कर्जाको अधिकतम सीमा बढाएर १५ लाख पुर्‍याएको हो । यसअघि लघुवित्तले धितोमा ७ लाख रुपैयाँसम्म मात्रै कर्जा दिन पाउने व्यवस्था थियो ।

लघुवित्त वित्तीय संस्थाबाट ऋण प्राप्त गरेका ऋणीको कर्जा भुक्तानीमा परेको समस्यालाई समाधान गर्न कर्जा भुक्तानीको तालिका परिमार्जन गर्न सकिने व्यवस्था पनि माैद्रिक नीतिमा छ ।

बैंक तथा वित्तीय संस्थाहरुमा अधिक तरलता बढेपछि राष्ट्र बैंकले कर्जाको सीमा फराकिलो बनाएको हो ।