जेनजी आन्दोलनका क्रममा आगजनी गर्ने नेकपा नेता पक्राउ

१४ मंसिर, विराटनगर । जेनजी आन्दोलनका क्रममा गत भदौ २४ गते विराटनगरका सरकारी कार्यालय आगजनी गर्ने मध्येका एक नेकपा नेता ताजिम अन्सारी पक्राउ परेका छन् । अन्सारी नेपाली कम्युनिष्ट पार्टीका स्थानीय नेता हुन् । अमनलाल मोदी सामान्य प्रशासन मन्त्री हुँदा उनी स्वकीय सचिव थिए ।

गत भदौ २४ गते अन्सारीले सरकारी कार्यालयहरुमा तोडफोड र आगजनीमा उनी संलग्न रहेको प्रहरीले बताएको छ । सरकारी कार्यालय आगजनी र तोडफोड गर्दै गरेको भिडियो पनि सार्वजनिक भएको थियो ।

तोडफोड र आगजनीमा संलग्न भएको देखिएपछि अन्सारीलाई विराटनगरबाट पक्राउ गरेको मोरङ प्रहरी प्रमुख कवित कटवालले जानकारी दिए । उनका अनुसार अन्सारी विराटनगर बजारबाट पक्राउ परेका हुन् ।

प्रहरीका अनुसार तोडफोड र आगजनीमा संलग्न राजिव यादव,अरुण साह सोनार, महेश नेपाल र आवाज पौडेल पनि पक्राउ परेका छन् । प्रहरी आइतबार रंगेलीबाट पनि तीन जनालाइ पक्राउ गरेकाे थियाे । माेरङ प्रहरीले ताेडफाेड र आगजनीमा संलग्न भएकाे आराेपमा यसअघि २३ जनालाइ पक्राउ गरेकाे थियाे ।