महाधिवेशन प्रतिनिधिमा मुख्यमन्त्रीका दुई सहयोगी पराजित

विराटनगर । नेकपा एमालेको ११ औं महाधिवेशन प्रतिनिधिको निर्वाचनमा मुख्यमन्त्री हिक्मतकुमार कार्कीका दुई सहयोगी पराजित भएका छन् ।

कोशी प्रदेशका मुख्यमन्त्री हिक्मतकुमार कार्कीका जनसम्पर्क सल्लाहकार रवि खनाल सुनसरी क्षेत्र नम्बर १ बाट र झापा क्षेत्र नम्बर ५ बाट मुख्यमन्त्री कार्कीका स्वकिय सचिव कमल पौडेल पराजित भएका हुन् । क्षेत्र नम्बर ५ एमाले अध्यक्ष केपी शर्मा ओलीको निर्वाचन क्षेत्र हो ।

धरान १ मा युवा तर्फ दिवस बान्तवा राई ८८७ मतसहित विजयी बन्दा खनालले २५९ मत पाएका थिए । झापा क्षेत्र नम्बर ५ को युवा तर्फबाट पत्रकारसमेत रहेका युवराज पौडेल विजयी भए ।