अस्पतालमा जीवन विकासकाे सहायता कक्ष सञ्चालन

विराटनगर । जीवन विकास सामुदायिक अस्पताल परिसरमा जीवन विकास लघुवित्त वित्तीय संस्थाले सहायता कक्षा सञ्चालनमा ल्याएकाे छ ।

माेरङकाे कटहरी गाउँपालिका– २ हल्दीबारीमा रहेको अस्पतालमा उपचारका लागि आउने संस्थाका सदस्यहरूलाई सेवा प्राप्तीमा सहजता होस् भन्ने उद्देश्यले लघुवित्तले सहायता कक्ष सञ्चालनमा ल्याएकाे हो।

सहायता कक्षको उद्घाटन जीवन विकास सामुदायिक अस्पतालका अध्यक्ष तथा माेरङ क्षेत्र नम्बर ५ का पूर्वसांसद योगेन्द्र मण्डलले गरे ।

उपचारका लागि अस्पताल आउने संस्थाका सदस्यहरुलाई सहजीकरणका लागि सहायता कक्ष सञ्चालनमा ल्याइएको जीवन विकास लघुवित्त वित्तीय संस्थाका प्रमुख कार्यकारी अधिकृत संजयकुमार मण्डलले जानकारी दिए ।