एमाले महाधिवेशन प्रतिनिधिमा दुई सांसद पराजित

विराटनगर । नेकपा एमालेको आसन्न ११ औं महाधिवेशन प्रतिनिधिको निर्वाचनमा नेकपा एमालेका दुई सांसद नै पराजित भएका छन् । सुनसरी क्षेत्र नं १ बाट कोशी प्रदेशसभाका सांसद पराजित भएका हुन् ।

कोशी प्रदेश सांसद रहेका रमेशकुमार बस्नेत र विजयकुमार राई पराजित भए । खुल्लातर्फ आसाराम चौधरी, जयकुमार राई र मुरारी सुवेदी निवार्चित भएका छन् ।

निर्वाचित भएका सुवेदीले ७९६, राईले ७७६ र चौधरीले ६७४ मत प्राप्त गरेका छन् । प्रदेश सांसद बस्नेतले ३७६ र राईले ३९१ मत पाएका छन् ।

महिलातर्फ २ जनाको कोटामा सीता भण्डारी पौडेल ७६६ मत र सुशीला पहाडी ढकाल ७१५ मतसहित निवार्चित भएका छन् ।

युवातर्फ दिवस वान्तवा राई ८८६ मतले निवार्चित भएका छन् । युवा तर्फ कोशी प्रदेशका मुख्यमन्त्री हिक्मतकुमार कार्कीका जनसम्पर्क सल्लाहकार रवि खनाल र पूर्वमुख्यमन्त्री भीम आचार्यका स्वकीयसचिव अनिल राजधामी पनि उम्मेदवार थिए । प्रतिनिधि निर्वाचित भएका मुरारी सुवेदी बाहेक सबै इतर पक्षका हुन् ।