सुनसरीमा ट्रकमा मोटरसाइकल ठोक्किँदा एक जनाकाे मृत्यु

धरान । सडक किनारमा रोकिएको ट्रकमा तीव्र गतिको मोटरसाइकल ठोक्किँदा माेटरसाइकल चालकको मृत्यु भएको छ । अर्का एकजना गम्भीर घाइते भएका छन् ।

बिहीबार राति सुनसरीको धरान उपमहानगरपालिका–८, तीनकुनेस्थित सडक किनारमा रोकेर राखिएको प्रदेश १–०२–००१ ख ८७५७ नम्बरको ट्रकमा प्रदेश १–०३–००१ प १३२४ नम्बरको मोटरसाइकल ठोक्किँदा चालक इटहरी उपमहानगरपालिका–४ का २५ वर्षीय मञ्जिल लिम्बूको मृत्यु भएको हो ।

जिल्ला प्रहरी कार्यालयका प्रवक्ता चन्द्र खड्काका अनुसार, मोटरसाइकलमा सवार इटहरी–५ का ३२ वर्षीय अमित राईको  गम्भीर घाइते भएका छन् ।  उनकाे बीपी कोइराला स्वास्थ्य विज्ञान प्रतिष्ठानमा उपचार भइरहेको छ ।