प्रतिनिधिसभा निर्वाचनका लागि दल दर्ताकाे समय चार दिन थपियाे

काठमाडौं । फागुन २१ गतेका लागि तय भएकाे प्रतिनिधिसभा सदस्य निर्वाचनमा सहभागी हुन राजनीतिक दल दर्ता गर्ने अवधि ४ दिन थप भएकाे छ ।

निर्वाचन आयोगको कात्तिक २८ गतेको निर्णयअनुसार प्रतिनिधि सभाको निर्वाचन प्रयोजनका लागि दल दर्ता अवधि २०८२ मंसिर १ गतेदेखि १० गतेसम्म  तोकेको थियाे । दल दर्ताकाे क्रम बढेपछि चार दिन समय थप गरेकाे हाे । मंसिर १० गतेसम्म १०६ वटा दलले दल दर्ताकाे निवेदन दिएका छन् ।

निर्वाचन आयोगमा दर्ता कायम रहेका दलको जम्मा संख्या १३७ छ । नयाँ दल दर्ताका लागि पेस निवेदनमाथिको कारबाही प्रक्रिया पनि जारी रहेको आयोगका सहसचिव एवं प्रवक्ता नारायणप्रसाद भट्टराईले जानकारी दिए ।  आयोगको बुधवार बसेको बैठकले दल दर्ता अवधि ४ दिन थप गर्ने निर्णय गरेको उनले बताए ।