माैसम : तीन प्रदेशमा आंशिक बदली

काठमाडौं । जल तथा मौसम विज्ञान विभाग मौसम पूर्वानुमान महाशाखाका अनुसार हाल देशभर कुनै पनि उल्लेखनीय मौसम प्रणालीको प्रभाव छैन ।

मौसम प्रणालीको प्रभाव नरहेपनि अहिले कोशी, गण्डकी र कर्णाली प्रदेशका पहाडी तथा हिमाली भूभागमा आंशिक बदली छ । अन्य भूभागमा मौसम मुख्यतया सफा छ ।

आज दिउँसो कोशी प्रदेशका पहाडी तथा हिमाली भूभागमा आंशिक बदली रही बाँकी भूभागमा मौसम मुख्यतया सफा रहने छ ।

आज राति देशभर मौसम मुख्यतया सफा रहने महाशाखाले जनाएको छ ।