चितवनसँग खेल्दै विराटनगर किंग्स

काठमाडौं । नेपाल प्रिमियर लिग (एनपीएल)मा आज अपराजित रहेकाे विराटनगर किंग्स चितवन राइनोजसँग खेल्दैछ । याे खेल कीर्तिपुरस्थित त्रिवि क्रिकेट मैदानमा आज ४ बजेदेखि सुरु हुनेछ ।

विराटनगर यसअघिका लगातार तीन खेलमा जितसहित तालिकाको दोस्रो स्थानमा छ । दुई खेलबाट दुई अंक जोडेको चितवन तालिकाको चौथो स्थानमा छ ।

विराटनगरले पहिलो खेलमा पोखरा एभेन्जर्सविरुद्ध ५३ रनको जित निकालेको थियो । दोस्रो खेलमा काठमाण्डू गोर्खाजलाई पाँच विकेटले पराजित गर्दा तेस्रो खेलमा साविक विजेता जनकपुर बोल्ट्सलाई  ९ रनले हराएको थियो ।

विराटनगर आज सोही लय कायम राख्ने लक्ष्यमा हुनेछ ।

पहिलो खेलमा कर्णाली याक्सलाई चार विकेटले हराए पनि चितवन दोस्रो खेलमा लुम्बिनी लायन्ससँग ६ विकेटले पराजित भएकाे थियो ।