केपी शर्मा ओलीविरुद्ध प्रतिस्पर्धा गर्ने तयारीमा ईश्वर पोखरेल

काठमाडौ । नेकपा एमालेकाे एघारौं महाधिवेशनमा वरिष्ठ उपाध्यक्ष ईश्वर पोखरेलले अध्यक्षमा उठ्ने बताएका छन् । उनले केपी शर्मा ओलीविरुद्ध प्रतिस्पर्धा गर्ने बताएका हुन् ।

पाेखरेल पूर्वराष्ट्रपति विद्यादेवी भण्डारीलाई सघाएर अघि बढ्न तयार थिए । तर, ओलीले भण्डारीकाे सदस्यता नविकरण राेकिदिएपछि पाेखरेल अघि बढेका हुन् ।

महाधिवेशन तयारीका निम्ति उपसमितिहरू गठन गर्ने मुख्य एजेण्डासहित बिहीबार बसेकाे सचिवालय बैठकमा उनले चुनाव लड्ने घाेषणा गरे । उनकाे घाेषणाले पुन सर्वसम्मत नेतृत्व चयनको सम्भावना लगभग सकिएको छ ।

‘केपी ओलीले अध्यक्ष छोड्न सकिन्नँ भन्नुभयो, ईश्वर पोखरेलले म प्रतिस्पर्धा गर्छु भन्नुभएकाे छ ,’ सचिवालय बैठक भन्छन्,‘ औपचारिक रुपमै नेतृत्वको संघर्ष सुरु भयो ।’

बैठक सकिएपछि निर्णयहरू सुनाउने क्रममा उपमहासचिव प्रदीप ज्ञवालीले  स्वस्थ प्रतिस्पर्धालाई स्वीकार गरेर जानेबारे छलफल भएको बताएका थिए ।

बैठकमा ओलीले राजनीतिक परिस्थितिबारे व्याख्या गर्दै एकताबद्ध हुनुपर्ने निष्कर्ष सुनाएका थिए । एकताबद्ध हुनलाई नेतृत्वमा सहमति आवश्यकता रहेको उनको भनाइ थियो ।