प्रधानमन्त्री कार्कीलाई फिर्ता बाेलाउन माग गर्दै राष्ट्रपतिलाई ज्ञापन

काठमाडौं । जेनजी उमेर समूहका युवाहरुकाे एउटा समूहले प्रधानमन्त्री सुशीला कार्की नेतृत्वको सरकारलाई फिर्ता बाेलाउन माग गरेकाे छ । जेनजी आन्दोलनको अपेक्षा पूरा गर्न नसकेको भन्दै जेनजी समूहले फिर्ता बोलाउन माग गरेकाे हाे ।

बिहीबार २३ जेनजी समूहले प्रधानमन्त्री कार्की नेतृत्वको सरकारलाई फिर्ता बोलाउँदै नयाँ सरकार गठनमा मध्यस्थता गर्न आग्रह गर्दै राष्ट्रपति कार्यालयमा पत्र दर्ता गराएका हुन् ।

राष्ट्रपति कार्यालयमा ज्ञापनपत्र दर्ता गराउनेमा अधिकांश राजावादी जेनजी समूह  छन् ।

भदौ २३ र २४ गते भएको जेनजी विद्रोहको जगमा बनेको सुशीला कार्की नेतृत्वको सरकारबाट ठूला भ्रष्टाचार प्रकरणमा संलग्नलाई कारबाही, प्रत्यक्ष निर्वाचित प्रधानमन्त्रीका लागि संविधान संशोधन गर्नुपर्नेमा त्यसो नभएको जेनजी समूहहरूको  गुनासाे छ ।