एनपीएलमा सुदूरपश्चिम रोयल्ससँग खेल्दै काठमाण्डू गोर्खाज

काठमाडौं । नेपाल प्रिमियर लिग (एनपीएल) दोस्रो संस्करणमा आज सुदूरपश्चिम रोयल्स र काठमाण्डू गोर्खाज खेल्दैछन् ।

प्रतियोगितामा काठमाण्डूको यो दोस्रो खेल हो । काठमाण्डूले पहिलो खेलमा साविक विजेता जनकपुर बोल्ट्सलाई पाँच विकेटकाे जित निकालेकाे थियाे ।

सुदूरपश्चिमकाे यो पहिलो खेल हो ।

यसअघि, यी दुई टिमले पहिलो संस्करणमा एकपटक प्रतिस्पर्धा गरेको थिए । लिग चरणको खेलमा सुदूरपश्चिमले काठमाण्डूविरुद्ध ७३ रनको सहज जित निकालेको थियो ।

आज कीर्तिपुरस्थित त्रिवि क्रिकेट मैदानमा अपराह्न ४ बजेदेखि खेल सुरु हुनेछ ।

प्रतियोगितामा हालसम्म तीन खेल सम्पन्न भइसक्दा काठमाण्डूसँगै चितवन राइनोज र विराटनगर किंग्सले जित निकालेका छन् ।