पञ्जिकरण विभागको वेबसाइट ह्याक

काठमाडौं । राष्ट्रिय परिचयपत्र तथा पञ्जिकरण विभागको वेबसाइट ह्याक भएको छ । गृह मन्त्रालयका प्रवक्ता तथा सहसचिव आनन्द काफ्लेका अनुसार मंगलबार वेबसाइट ह्याक भएको हाे ।

कसले कहाँबाट ह्याक गर्‍यो भन्ने खुलेकाे छैन ।

सुरुमा विभागको वेबसाइट खोल्दा दुर्गा प्रसाईंलाई २४ घण्टाभित्र रिहा गर्न माग गरिएको सूचना देखिन्यो । अहिले भने त्यो देखिँदैन ।

निर्वाचन आयोगले मतदाता नामावली संकलनको क्रममा राष्ट्रिय परिचयपत्रको विवरणसँग जोडिएको थियो ।  ह्याक भएको साइटमा भने राष्ट्रिय परिचयपत्रका कुनै पनि विवरणहरु नभएको गृह मन्त्रालयले जनाएकाे छ ।