पहिलो त्रैमासमा जीवन विकासको मुनाफा बढ्यो

विराटनगर । चालु आर्थिक वर्षको पहिलो त्रैमासमा जीवन विकास लघुवित्त वित्तीय संसथाको मुनाफा बढेको छ । गतवर्षको तुलनामा चालु आर्थिक वर्ष २०८२–८३ को पहिलो त्रैमास (साउन–असाेज) मा संस्थाको खुद मुनाफा बढेकाे हो ।

जीवन विकासले सार्वजनिक गरेको रिपोर्टमा चालु आर्थिक वर्षको पहिलो त्रैमासमा १४ करोड ५८ लाख ५९ हजार खुद मुनाफा आर्जन गरेको देखिन्छ । गत वर्षको सोही अवधिमा ९ करोड ९३ लाख ८५ हजार रुपैयाँ आम्दानी गरेको थियो ।

जीवन विकासको निष्कृय कर्जा (एनपीएल) गत वर्षको तुलनामा घटेको छ । गतवर्ष पहिलो त्रैमासमा ४.९१ प्रतिशत निष्कृय कर्जा थियो । चालु आथिक वर्षको पहिलो त्रैमासमा घटेर ४.६२ मा झरेको छ ।

पहिलो त्रैमासमा प्रतिशेयर आम्दानी ३७ रुपैयाँ ९८ पैसा छ । प्रतिशेयर कुल सम्पति मूल्य १९७९ रुपैयाँ ७९ पैसा  पुगेकाे छ । प्रतिसेयर नेटवर्थ २९३.८० रुपैयाँ छ ।

कोशी, मधेश र बागमती प्रदेशमा वित्तीय सेवा प्रवाह गरिरहेको जीवन विकासमा ३ लाख ५५ हजार बढी सदस्यले वित्तीय काराेबार गरिरहेका छन् ।

Quarterly Report Jeevan Bikas