उच्च बारको अध्यक्षमा हरिबहादुर बराल

विराटनगर । उच्च अदालत विराटनगर बार एसोसिएसनको अध्यक्षमा हरिबहादुर बराल निर्विरोध निर्वाचित भएका छन् ।

उपाध्यक्षमा अञ्जना संग्रौला, सचिवमा राजेन्द्रकुमार सुनुवार, सहसचिवमा सन्तोषी दास चयन भएकी छन् । कोषाध्यक्षमा विष्णुकुमारी तामाङ निर्विरोध चयन भएका छन् ।

सदस्यमा विनोद फुयाल, कमलप्रकाश चौधरी, अन्ताज हुसेन, उमेशकुमार मण्डल, तीर्थराज भट्टराई, सुष्मा अधिकारी, भरत चौलागाईं र तुलसी साह सर्वसम्मतबाट सदस्यमा छानिएका छन् ।

सोमबार उच्च अदालत विराटनगरका मुख्य न्यायाधीश राजनप्रसाद भट्टराईको प्रमुख आतिथ्यतामा भएको कार्यक्रममा नवनिर्वाचित कार्यसमितिका पदाधिकारी र सदस्यलाई पदस्थापनसमेत गरिएको थियो ।