निर्वाचित अध्यक्षकाे राजीनामापछि धामीले पाए अनेरास्ववियुकाे जिम्मेवारी

काठमाडौं । नेकपा एमालेको विद्यार्थी संगठन अनेरास्ववियुकाे अध्यक्ष दीपक धामी चयन भएका छन् ।

जेनजी आन्दाेलनका क्रममा  राजीनामा दिएका निर्वाचित अध्यक्ष डा. सुजन कडरिया काममा फर्किए पनि अन्य नेताले स्वीकार गरेका थिएनन् ।

कडरियाले राजीनामा दिएपछि केन्द्रीय पदाधिकारी बैठकले महासचिव धामीलाई अध्यक्ष बनाएकाे हाे ।

‘आज बसेको अनेरास्ववियुको बैठकले मेरो राजीनामा स्वीकृत गरिदिएकोमा हार्दिक धन्यवाद व्यक्त गर्दछु,’ कडरियाले सामाजिक सन्जालमा लेखेका छन्, ‘यस यात्रामा मलाई साथ, मार्गदर्शन र प्रेरणा दिनुहुने सबै अग्रज तथा सहयोद्धाप्रति म सदैव कृतज्ञ रहनेछु ।’