सुनको मूल्य बढ्यो

काठमाडौं । नेपाली बजारमा सोमबार सुनको मूल्य प्रतितोला पाँच सय रूपैयाँले बढेको छ । आइतबार एकै दिन ६ हजार नौ सय रूपैयाँ सस्तो भएको थियो । सोमबार पाँच सय रूपैयाँले मूल्य बढेको हो ।

नेपाल सुनचाँदी व्यवसायी महासंघका अनुसार सोमबार सुन प्रतितोला दुई लाख ४३ हजार तीन सय रूपैयाँ तोकिएको छ ।

आइतबार सुन प्रतितोला दुई लाख ४२ हजार आठ सय रूपैयाँमा कारोबार भएको थियो ।

सोमबार चाँदीको मूल्य पनि प्रतितोला २० रूपैयाँले बढेको छ । सोमबार चाँदी प्रतितोला तीन हजार एक सय ५५ रूपैयाँमा कारोबार भइरहेको छ ।